Kaosi me biletat për Skënderbeu-Kukësi, klubi korçar sqaron tifozët: Ata që e kanë blerë…
FSHF para pak minutash ka dalë me një komunikatë zyrtare, ku ka njoftuar se dy ndeshjet e Kategorisë Superiore, mes Vllaznia-Partizani dhe Skënderbeu-Kukësi do të luhen pa tifozë.
Megjithatë e keqja qëndron në faktin se shumica e tifozëve që kishin vendosur të ishin të pranishëm në stadium i kishin blerë biletat e tyre, për t’i parë nga afër ekipet e tyre.
Pikërisht për këtë arsye, Skënderbeu ka dalë me një njoftim, ku iu bën me dije tifozëve se biletat e marra për ndeshjen e sotme, të ruhen, pasi do të jenë të vlefshme për ndeshjen e radhës në stadiumin e tyre.
Njoftimi i klubit:
Si pasojë e situatës së krijuar, Federata Shqiptare e Futbollit ka vendosur që takimi i javës së 26-të ndaj Kukësit të zhvillohet pa praninë e tifozëve. Sqarojmë tifozët të cilët kanë blerë biletë për takimin e sotëm se bileta do të jetë e vlefshme për ndeshjen e radhës në kampionat! Faleminderit për mirëkuptimin, KF Skënderbeu
PANORAMASPORT.AL
NDIQE LIVE "PANORAMA TV"