Kamza fuqishëm në merkato, prezantohen 4 futbollistët e rinj dhe përgatitësi atletik italian
Skuadra e Kamzës e cila do të marrë pjesë këtë sezon në Kategorinë Superiore ka zyrtarizuar ditën e sotme 4 futbollistë të rinj si dhe një përgatitës atletik italian të quajtur Luka Guerra.
Argent Halilaj, Bruno Arrabal, Alfred Zefi dhe Hektor Idrizaj janë 4 prurjet e reja të cilët u prezantuan ditën e sotme në ambjentet e klubit në praninë e kryebashkiakut Xhelal Mziu.
Drejtuesit e Kamzës bëjnë me dije se nuk do të ndalen këtu dhe gjatë këtyre ditëve po vijojnë bisedimet edhe me lojtarët të tjerë të cilët do ti bashkohen skuadrës për të plotësuar kërkesat e trajnerit Ndreu.
Gjatë prezantimit të futbollistëve, kryebashkiaku Mziu premtoi që Kamza këtë vit do të jetë ekip konkurrues në Kategorinë Superiore si dhe u shpreh i kënaqur me blerjet e reja.
