Kristi Vangjeli kaloi një moment shumë të vështirë në jetë, teksa pak kohë më parë humbi vëllain e tij, Pavli Vangjeli, pas një sëmundje të rëndë në moshën 37-vjeçare.

Për këtë arsye, mbrojtësi i Tiranës, prej kohësh ndodhej në Greqi, për të qenë pranë vëllait. Lojtari ishte i dyzuar për t’u rikthyer apo jo me bardheblutë, por tashmë e ka marrë vendimin. Vangjeli është grumbulluar me skuadrën e Shehit dhe ky i fundit e ka gati duke filluar që nga ndeshja e radhës.

Që prej muajit dhjetor, mbrojtësi nuk është pranë ekipit, ndërkohë që pasi vëllai i ndërroi jetë, natyrisht që gjendja psikologjike e Kristit nuk është e mirë.

Në këto momente të vështira kanë qëndruar pranë tij lojtarët bardheblu dhe, nga sa mësohet, në bisedat që ata kanë bërë me Kristin, i kanë kërkuar të rikthehet në fushë për të harruar sadopak dhimbjen e madhe që la Pavli pas ndarjes nga jeta.

PANORAMASPORT.AL

NDIQE LIVE "PANORAMA TV"

---