Juventusin e ndjek fati i keq, bardhezinjve i dëmtohet një tjetër lojtar titullar

Panorama Sport | Lajmet e fundit nga sporti

Postuar: Mars 15, 2021 | 10:52


Juventusin e ndjek fati i keq, bardhezinjve i dëmtohet një tjetër lojtar titullar

Sa herë që Juventusi duket se i ka mbyllur hesapet me dëmtimet, duke qenë se për momentin kishin mbetur jashtë vetëm Paulo Dibala e Merih Demiral për dëmtime, si dhe Rodrigo Bentankur për COVID, ja tek shtohet problemi i radhës.

ALEX SANDRO

Në ndeshjen kundër Kaljarit, pas vetëm 30 minutash lojë, Aleks Sandro shtrihet në fushë dhe kërkon ndihmën e stafit mjekësor. Mbrojtësi i majtë brazilian ndjeu një tërheqje në muskujt e këmbës, por për diagnozën e saktë duhet të pritet dita e sotme, kur 30-vjeçari do t’u nënshtrohet analizave të rastit.

Ndërkohë, sot pritet të jetë një ditë e rëndësishme, pasi pritet një test force për Paulo Dibalën, nga përgjigja e të cilit mund të mësohet data e rikthimit në fushë të numrit 10 bardhezi.

PANORAMASPORT.AL



Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/