Juventus më pranë mesfushorit të Serisë A, një dorë i jep edhe Dibala
Juventus e ka kthyer vëmendjen nga mesfushori i Udinezes, Rodrigo De Paul, por çmimi i argjentinasit është 35 milionë euro. Sipas “Calciomercato.com” negociatat mes bardhezinjve dhe Udinezes janë në progres dhe marrëdhëniet e mira mes dy klubeve mund të bëjnë që marrëveshja të arrihet.
Për De Paul gjithashtu kanë shprehur interes edhe Inter, Milani dhe Roma por Juventus duket më pranë. Kjo për arsye se bardhezinjtë i detyrohen Udinezes 26 milionë euro për Rolando Mandragorën. Pavarësisht dëmtimit në gju të Mandragorës, Juventusi sërish do e paguajë klauzolën dhe do e dërgojë në huazim tek Udineze.
De Paul është një kërkesë jo vetëm e trajnerit të ri Andrea Pirlos, por edhe e Paolo Dibalës pasi të dy janë shumë shokë të ngushtë. Duke parë këto kushte, Udineze mund ta lejojë De Paulin të kalojë tek Juventusi.
PANORAMASPORT.AL
NDIQE LIVE "PANORAMA TV"