“Ju mundi Interi dhe më kërkoni më shumë para”, presidenti i Lacios ‘i mbyll derën’ Strakoshës

Panorama Sport | Lajmet e fundit nga sporti

Postuar: Tetor 15, 2018 | 18:11

“Ju mundi Interi dhe më kërkoni më shumë para”, presidenti i Lacios ‘i mbyll derën’ Strakoshës

Presidenti i Lacios, Klaudio Lotito, ka qenë i prerë, në kërkesën që i ka ardhur në tavolinën e tij. Portieri shqiptar, Tomas strakosha, si dhe spanjolli Luis Alberto, të dy janë paraqitur tek presidenti i kryeqytetasve, për të kërkuar rinovimin e kontratës me Lacion, gjë që do përkthehej edhe në përmirësim të madh të kushteve financiare.

Thomas-Strakosha-977383

Por, Lotito nuk ka pranuar diçka të tillë, duke përmendur se i “djeg” ende ajo humbje ndaj Interit sezonin e kaluar, ku Lacio mbeti jashtë Champions League. “Ju mposhti Interi në ndeshjen e fundit dhe vini këtu për të kërkuar më shumë para”, mësohet të ketë thënë presidenti Lotito, në përballjen me dy futbollistët e skuadrës së tij, duke iu referuar ndeshjes së fundit të kampionatit, më 20 maj.

Në atë takim Lacio u mposht me përmbysje 2-3 nga Interi, duke mbetur jashtë zonës Champions dhe normalist duke arkëtuar shumë më pak para, gjë që duket se Lotito vijon ta vuajë, ndonëse kanë kaluar disa muaj.

Pak kohë më parë, ishin Imobile dhe serbi Milinkoviç-Saviç ata që rinovuan kontratat, pa asnjë polemikë më tepër.

NDIQE LIVE "PANORAMA TV"