Jo vetëm futbolli, bashkia e Lushnjes akordon fond mbi 25 milionë lekë për sportet
Klubi shumësportësh i Lushnjës është në varësi të plotë të bashkisë dhe financat varen tërësisht nga Këshilli Bashkiak. Së fundmi, në mbledhjen e buxhetit, Këshilli Bashkiak i Lushnjës miratoi një shpenzim operativ dhe të mirëmbajtjes në vlerën 2,568,000 lekë (të rinj), për klubin e shumësporteve, për vitin 2021.
Siç dihet, për momentin aktivitetet janë të paralizuara, për shkak të gjendjes së pandemisë. Të gjitha aktivitetet janë ndërprerë, në muajin mars dhe ekipet, që janë pjesë e shumësportëshit, ekzistojnë sa për formë. Por në të njëjtën situatë ndodhet i gjithë komuniteti i lojërave me dorë në vend, si dhe sportet e tjera që zhvillohen në salla të mbyllura. Klubet janë në luftë për ekzistencë, ndërsa thirrjet e vazhdueshme që vijnë nga komuniteti i sportit në drejtim të qeverisë vijojnë të bien në vesh të shurdhër. Ministria e Shëndetësisë vazhdon t’i konsiderojë sportet në ambiente të mbyllura si të rrezikshme për përhapjen e virusit COVID-19, duke bërë që Shqipëria të mbetet vendi i vetëm në Europë pa sport.
ALBAN ALUSHI – PANORAMASPORT.AL
NDIQE LIVE "PANORAMA TV"