Java e 30-të e Superiores/ Formacionet dhe trajnerët më të mirë e më të dobët
Vlerësim i “Panorama Sport”
Kategoria Superiore luajti këtë javë ndeshjet e javës së 30-të. “Panorama Sport” ju sjell vlerësimet për këtë javë, me formacionet dhe trajnerët më të mirë e më të dobët.
FORMACIONI MË I MIRË
TRAJNERI MË I MIRË – HASAN LIKA
Fitorja në “Loro Boriçi” përballë Vllaznisë së traditës është gjithmonë e vështirë, edhe pse shkodranët nuk po kalojnë momentet e tyre më të mira në Superiore. Por, Luftëtari i drejtuar nga Hasan Lika ia ka dalë madje duke shënuar edhe dy gola. Pas kësaj fitoreje, bluzinjtë janë në vendin e tretë, çka do të thotë pjesëmarrje në Europë, por njëkohësisht duke bindur të gjithë ata që në përfundim të gjysmës së parë të sezonit nuk besuan te ky ekip.
FORMACIONI MË I DOBËT
TRAJNERI MË I DOBËT – ERNEST GJOKA
Të humbasësh në shtëpi, është gjithmonë e rëndë, por të futesh zyrtarisht në zonën e rënies nga Kategoria Superiore, është akoma edhe më e rëndë. Vllaznia po kalon një moment delikat dhe rrezikon shumë, ndërsa trajneri Gjoka nuk po di më të rikthejë besimin te lojtarët e tij. Shkodranët kanë futbollistë cilësorë, por nuk po arrijnë që të marrin pikët e nevojshme për të siguruar mbijetesën as në ndeshjet në shtëpi dhe as në transfertë.
NDIQE LIVE "PANORAMA TV"