Emanuel Egbo: Quajeni trajneri i momentit në Kategorinë Superiore. Që kur Egbo ka ardhur në krye të bardhebluve, Tirana njeh vetëm suksese. Edhe ndaj Kukësit, atëherë kur mendohej se ishte pranë dështimit, strategjia e nigerianit rezultoi fituese.

Skuadra e tij bëri një përmbysje të çmendur për tri minuta në fundin e lojës dhe parakaloi Kukësin, duke marrë tashmë kreun e Superiores. Egbo po i merr maksimumin ekipit.

Shpëtim Duro: Deri në minutën e 85-të skuadra e tij po shkonte drejt një fitoreje shumë të rëndësishme ndaj rivalit direkt për titullin kampion, por u shpërfytyrua totalisht në limitin e takimit, prandaj dhe Shpëtim Duro merr një notë jokaluese për menaxhimin e situatës në ndeshjen ndaj Tiranës. Trajneri i Kukësit nuk bëri zëvendësimet e duhura dhe për më tepër, ekipi i tij nuk mbajti dot as barazimin ndaj Tiranës.

PANORAMASPORT.AL

NDIQE LIVE "PANORAMA TV"

---