Ish-gjyqtari spanjoll Eduardo Iturralde Gonzalez, aktualisht komentator në “Cadena SER” ka zbuluar në këtë media ekzistencën e teorisë së “autobusit të bardhë”.

Me këtë ai i referohet fuqisë mediatike të Realit të Madridit, i cili duke përdorur mediat ndikon te gjyqtarët. Ai ka rrëfyer se këtë teori ia ka shpjeguar Diaz Vegas, ish-drejtori i Komitetit Teknik të Gjyqtarëve.

“Ma ka thënë qartë, se nëse nuk përplasesh me autobusin e bardhë nuk bëhesh gjyqtar. Çfarë është autobusi i bardhë? Në La Liga ka tri grupe skuadrash në nivel mediatik: Barcelona shumë e fuqishme në media, Reali i Madridit, që ka edhe më shumë fuqi se Barça dhe më pas të tjerët. Gjyqtar mund të bëhesh vetëm duke u përplasur me Realin, qoftë për mirë ose qoftë për keq”, ka thënë Iturralde Gonzalez.

PANORAMASPORT.AL

NDIQE LIVE "PANORAMA TV"

---