Ishte i ftuar mes legjendave të Milanit për 120 vjetorin, tifozët kuqezi “tërbohen” me atë që bën Alegri
Dita e sotme përkon edhe me 120 vjetorin e klubit të Milanit, të cilët gjithsesi zhgënjyen ndaj Sasuolos 0-0 në “San Siro”.
Para fillimit të takimit, shumë legjenda të Milanit dolën në fushën e “San Siro”, mes brohorimave të mëdha të publikut, për ato që ata kanë arritur me këtë klub. Në mesin e shumë legjendave, aty ishte edhe Masimiliano Alegri, i cili fitoi kampionatin me Milanin në 2011.
Pikërisht një episod i kapur me protagonist teknikun toskan, ka filluar të ngrejë dyshime të mëdha. Të gjithë legjendat gjatë kohës kur dolën në fushë, mbanin nga një shall të vënë në dispozicion nga klubi, me simbolet e ekipit të Milanit.
Ndryshe nga gjithë të tjerët, Alegri nuk e kishte një të tillë, dhe kjo ka bërë që të ngrihen shumë dyshime, nëse tekniku në fjalë nuk e mbante atë për shkak se ka qenë pjesë e Juventusit, aty ku ai gjithashtu ka shkruar një pjesë të historisë.
Tashmë tifozët e Milanit kanë filluar të shfaqin edhe urrejtjen e tyre për Alegrin, teksa në rrjetet sociale kanë reaguar shumë keq për këtë gjest.
PANORAMASPORT.AL
NDIQE LIVE "PANORAMA TV"