Ish-trajneri i Kukësit: Kjo ndërprerje i bën dëm Tiranës, por sërish 9 pikë janë shumë
Trajneri i Shkëndijes së Tetovës Ernest Gjoka beson se skuadra e tij ka ende shpresa për të fituar titullin kampion, pavarësisht se ndodhet 11 pikë larg rivalëve të Vardarit.
Në një lidhje direke me emisionin “Fan Zone” të “Supersport”, ish-trajneri i Kukësit dhe Vllaznisë foli dhe për kampionatin shqiptar. Ai beson se Kukësi do ta ketë tepër të vështirë të rikuperojë 9 pikë distancë nga kryesuesit e Tiranës. Ndërkohë, shtoi se kjo ndëprerje e kampionatit mund të ulë hovin e bardhebluve, pasi nuk dihet se cila do të jetë forma e ekipeve në momentin që do të zbresin sërish në fushë.
“Shkëndija larg titullit kampion – Që në krye të herës, kur shkova te Shkëndija, e kam gjetur me diferencë të madhe. Vazhdojmë të luftojmë, të kemi besim, përderisa jemi matematikisht në garë. Pavarësisht se në dy ndeshjet e fundit kemi bërë gabime që nuk na falen. Do të shpresojmë deri në fund, derisa matematika na e lejon. Jemi në gjysmëfinale të Kupës dhe kemi një hapësirë të marrim trofe.
Titulli kampion në Shqipëri –Kjo ndërprerje i bëri dëm Tiranës, ishte një erë që frynte për Tiranën. Nuk e di si do të jetë kur të nisin. 9 pikë janë shumë, por Kukësi e ka potencialin. Gjithsesi, kampionati e ka marrë formën e tij sivjet”, përfundoi Ernest Gjoka.
PANORAMASPORT.AL
NDIQE LIVE "PANORAMA TV"