Ish-sulmuesi i Italisë: Futbolli më hoqi lirinë, nuk do të doja të isha si Leo Mesi
Ish sulmuesi i Italisë Pablo Daniel Osvaldo, duket se nuk e ka harruar plotësisht futbollin. Pavarësisht se tani ai i është futur muzikës, nuk nguron të kthehet dhe të komentojë karrierën e tij si futbollist si dhe dy lojtarët më të mirën në botë, Mesin dhe Ronaldon.
“Më duhet ta pranoj se kam bërë një jetë të mirë si futbollist. Më ka dhënë shumë, por ndonjëherë ndihesha si peshku pa ujë. Tani jam më i lumtur. NË futboll ndihesha i mbytur nga atmosfera që më rrethonte. Megjithatë futbolli ka qenë gjëja më e bukur në jetën time dhe më dha mundësinë që të ndihmoja familjen time, por më ka hequr lirinë dhe liria nuk ka çmim.” – tha fillimisht Osvaldo.
“Ronaldo shkon në shtëpi dhe bën palestër, ndërsa mua më pëlqen të rri me miqtë e mi duke ngrënë. Nuk do të doja të isha as Ronaldo dhe as Mesi. Do të më pëlqente të luaja si Leo, por i shkreti nuk ka jetë! Ai jeton në një burg të artë! Nëse do të isha ai nuk mund të jetoja i lumtur. Ai është më i miri në botë kur luan futboll, por jeta e tij është e tmerrshme, ose më saktë nuk ka një jetë të tijën. Leo është një nga njerëzit më të trishtë…” – përfundon Osvaldo.
NDIQE LIVE "PANORAMA TV"