Ish-kapiteni i Vllaznisë, Amarildo Belisha, ka folur për momentin e vështirë që po kalon skuadra kuqeblu në kampionat. Ai ka qenë i ashpër, sidomos me lojtarët dhe stafin drejtues të klubit duke vënë theksin te mungesa e specialistëve të futbollit pranë ekipit, gjë që çon edhe në një mungesë të kërkesës së llogarisë si ndaj lojtarëve e po ashtu edhe ndaj stafit teknik.

“Vllaznia do ta ketë shumë të vështirë që të mbijetojë, pasi ekipi nuk po tregon stabilitet në fushën e blertë. Në takim me Skënderbeun çaloi në të gjithë drejtimet.

E filluam lojën me një gol dhe minimumi duhet që ta administronim lojën. Një gjë që nuk të kënaq edhe për vazhdimësinë, ekip që s’të jep garanci.

 

Ndeshja me Lushnjën është për jetë a vdekje dhe Vllaznisë i duhet vetëm fitorja, ndryshe 90% bie nga Kategoria. Lushnja ka ekip të mirë dhe luftarak. Fajin për këtë situatë e kanë të gjithë lojtarët”, ka thënë Belisha.

NDIQE LIVE "PANORAMA TV"

---