Luis Hemilton ka reaguar pasi kampioni tre herë i Formula 1, Nelson Piket përdori gjuhë fyese racore ndaj tij.

Sportisti i famshëm u shpreh se “mendësitë arkaike duhet të ndryshojnë” dhe komentet fyese s’kanë vend në Formula 1.

Braziliani 69-vjeçar, i cili fitoi titullin botëror në 1981, 1983 dhe 1987, përdori një term fyes racor referuar Hamilton në një podcast.

Piket është dënuar nga Formula 1, skuadra e Mercedez e Hemilton dhe FIA.

“Është më shumë se sa gjuha e përdorur. S’kanë vend në sportin tonë këto mendësi arkaike, duhet të ndryshojnë. Kjo është ajo që kam synuar gjithë jetën. Ka ardhur koha për veprim”, tha 7 herë kampioni i botës.

Një deklaratë e F1 tha: “Gjuha diskriminuese ose raciste është e papranueshme në çdo formë. Luis është një ambasador i jashtëzakonshëm i sportit tonë dhe meriton respekt”.

Piket po diskutonte aksidentin mes Hemilton dhe pilotit të Red Bull, Maks Vershtapen në xhiron e parë të Çmimit të Madh të Britanisë së vitit të kaluar.

Vershtapen, i cili është në një lidhje me vajzën e Piket, Kelin, u përplas me barrierat dhe u dërgua në spital, ndërsa Hemilton vazhdoi të fitojë garën e tij në shtëpi për të tetën herë.

Piket pretendoi se ishte faji i Hemilton dhe iu referua atij me termin fyes, “negro”, që shërben si një fyerje racore.

PANORAMASPORT.AL

NDIQE LIVE "PANORAMA TV"

---