Ish-gjyqtari i Superiores: Lojtarët kanë ankesa, problemi i kësaj jave ishte… topi
Kategoria Superiore këtë javë ka dhuruar një risi të veçantë, topin e ri të edicionit futbollistlk të përzgjedhur nga FSHF. Por me sa duket, vetë futbollistët nuk janë të kënaqur me këtë top të ri.
Pakënaqësia nuk ka të bëjë me cilësinë e topit, por me ngjyrat e tij, të cilat janë të errëta dhe që e bëjnë të vështirë të shquhet, sidomos për faktin se disa skuadra kanë ngjyrën e kuqe si pjesë të kompletit të lojës.
“Kam folur me gjyqtarët e të gjitha ndeshjeve dhe lojtarët kanë shprehur pakënaqësi për topin se është i vështirë të shquhet. Sidomos në rastin e Partizanit që kishte fanellën e kuqe”, shpjegoi Klajdi Kola, ish-gjyqtari i Superiores në RTSH.
“Topi është miratuar nga organizatori dhe nuk është se u vendos këtë javë. Tashmë është miratuar dhe me të do të përballohet sezoni”, vijoi ai.
PANORAMASPORT.Al
NDIQE LIVE "PANORAMA TV"