Inzagi: Portieri i Shaktarit në një mbrëmje të shkëlqyer, patëm 5 raste për gol

Panorama Sport | Lajmet e fundit nga sporti

Postuar: Shtator 28, 2021 | 21:26


Inzagi: Portieri i Shaktarit në një mbrëmje të shkëlqyer, patëm 5 raste për gol

Interi nuk shkoi më shumë se barazimi pa gola me Shaktar Donjetskun në një ndeshje ku zikaltrit provuan fitoren deri në fund, madje goditën dhe traversën me Barelën.

inzagi

Pas ndeshjes, trajneri Simone Inzagi u shpreh:

‘’Unë mendoj se ne u përballëm me një ekip që luan mjaft mirë, që driblon shumë. Nuk përfituam, kishim 5 raste, goditëm traversën, portieri i tyre ishte në një mbrëmje të shkëlqyeshme.

Ne do të kemi ndeshjen e kthimit me Shaktarin. Është një ekip i paparashikueshëm, me shumë lojtarë të talentuar dhe që krijon probleme për shumë skuadra të tjera. Për atë që krijuam ne duhej të shënonim një gol, por goditëm traversën. Tani do të kemi një takim të dyfishtë me Sherifin, me Realin dhe më pas do të takohemi përsëri me Shaktarin në fund të nëntorit’’, u shpreh Inzagi.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/