Interi në finalen e Champions dhe… në shitje. Por Zhang ka frikësuar të gjithë blerësit

Panorama Sport | Lajmet e fundit nga sporti

Postuar: Qershor 8, 2023 | 22:18

Interi në finalen e Champions dhe… në shitje. Por Zhang ka frikësuar të gjithë blerësit

Interi bëhet gati për ndeshjen më të rëndësishme të dekadës së fundit për klubin zikaltër. Skuadra italiane luan në finalen e  Ligës së Kampioneve ndaj Mançester Sitit dhe sigurisht që për të është një sfidë e rëndësishme për një trofe shumë prestigjioz.

zhang

Por si zakonisht kur Interi shfaqet në skenën e rëndësishme, ashtu shfaqen edhe zërat për shitjen e klubit. “New York Times” ka bërë të ditur sot se zikaltrit vazhdojnë të jenë në shitje, pavarësisht këtyre sukseseve dhe kjo finale është platforma më e mirë për të reklamuar atë që mund të gjejnë blerësit potencialë.

Burimet e gazetës së famshëm amerikane bëjnë të ditur se janë shumë persona, grupe interesi apo fonde investimi të interesuara për të blerë klubin zikaltër. Por për momentin askush prej tyre nuk ka bërë një ofertë konkrete apo është ulur për të diskutuar me Stiven Zhang.

Çmimi prej 1,2 miliard eurosh që ky i fundit i ka vënë Interit, nuk duket se bind për momentin blerësit potencialë. Por një triumf i mundshëm në finalen e Ligës ë Kampioneve, mund t’i japë një shkëlqim tjetër zikaltërve dhe të bëjë realitet idenë e drejtuesit për të shitur klubin.

PANORAMASPORT.AL

NDIQE LIVE "PANORAMA TV"