Inter fillon “spastrimet”, lojtari zikaltër transferohet tek skuadra e…
Sulmuesi i Interit, Sebastiano Espozito largohet nga SPAL pas disa muajsh në huazim. Futbollisti 18-vjeçar do të rifillojë eksperiencën e tij nga Venecia, e cila fitoi konkurencën ndaj Peskarës dhe Rexhinas, të cilët ishin të interesuar për talentin nga Kampanja.
Inter dhe Venecia e cila militon në Serinë B italiane, praktikisht mbyllën marrëveshjen pasdite, do të jetë një huazim i thjeshtë deri në muajin qershor.
Tek SPAL, Espozito nuk kishte gjetur hapësirën e duhur. Me kalimin e kohës, Serxho Flokari është vendosur si titullar dhe trajneri, Marino ka gjetur ekuilibrin e ekipit të tij me një formë që nuk i rrit cilësitë e sulmuesit të ri.
Për këtë arsye, Interi i cili mban një marrëdhënie të shkëlqyeshme me SPAL, riktheu Espoziton për të kërkuar një klub të ri.
18-vjeçari do të rinisë eksperiencën e tij nga Venecia.
PANORAMASPORT.AL
NDIQE LIVE "PANORAMA TV"