Incidenti/ Siti u “gjymtua” brenda dhe jashtë fushe, tifozët e Liverpulit “masakruan” autobusin (Video)
Pritja e parashikuar armiqësore e tifozëve të Liverpulit për rivalët e tyre nga Mançesteri ndodhi gjatë rrugës së autobusit të “qytetarëve” drejt “Anfield Road”, pavarësisht se organizatorët ndryshuan itinerarin e lëvizjes së tij për të shmangur incidentet.
Tifozët e “reds”-ave goditën me shishe, kanaçe dhe fishekzjarrë autobusin e miqve, duke shkaktuar dëme materiale (thyen xhamin e parë), por fatmirësisht asnjë lëndim të lojtarëve dhe stafit. “Nuk e kuptoj përse ndodhi dhe ne u përpoqëm ta shmangim këtë situatë. Duhet t’iu themi: ‘Na falni’!” deklaroi trajneri Jurgen Klop.
“Faleminderit Jyrgenit. Nuk e prisnim këtë pas asaj që ndodhi në Dortmund. Lojtarëve nuk u ndodhi asgjë”, ishte përgjigjja e Guardiolës. Pas ndjesës zyrtare të klubit të kuq, Siti kërkoi një autobus të ri për t’u larguar nga stadiumi, ndërkohë që UEFA njoftoi nisjen e hetimeve.
NDIQE LIVE "PANORAMA TV"City bus arrives at Anfield. A few cans, flares and bottles thrown at it. The smashed bottle (which you can see towards the end of the vid) nearly landed on my head, which would’ve served me right tbf pic.twitter.com/NgMep0LAhP
— Sam Lee (@Sammy_Goal) April 4, 2018