Uanda Nara ka zgjedhur rrjetet sociale në natën e të enjtes për të bërë publik faktin se është ndarë nga Mauro Ikardi. Një vendim që i jep ndoshta fund lidhjes së saj me sulmuesin argjentinas pas një viti të turbullt si pasojë e historisë së tij me aktoren Çina Suarez. Ndoshta i jep fund, pasi Ikardi e mendon ndryshe.

Në rrjetet sociale, ai ka postuar një foto të një mesazhi që i ka dërguar Uanda Nara pak para se të postonte mesazhin se ishte ndarë me Ikardin. “Kam dëshirë të përqafoj, por ti je larg”, shkruhej në foton që Uanda Nara i kishte dërguar sulmuesit, pasi ajo gjendet në Argjentinë, ndërsa futbollisti në Turqi, ku tashmë luan për Gallatasarajin.

“Natën e mirë, do të shkoj të fle me një mesazh kaq të këndshëm nga gruaja ime”, shkruante më poshtë vetë Ikardi në postimin që bëri në rrjetet sociale. Një situatë e pazakontë, që ndez kështu telenovelën e radhës për çiftin argjentinas.

PANORAMASPORT.AL

NDIQE LIVE "PANORAMA TV"

---