Ikardi drejt Serisë A? Buzqesh Interi, ja shuma e majme që zikaltrit do të përfitojnë në rast transferimi

Panorama Sport | Lajmet e fundit nga sporti

Postuar: Prill 7, 2021 | 23:47


Ikardi drejt Serisë A? Buzqesh Interi, ja shuma e majme që zikaltrit do të përfitojnë në rast transferimi

Pas 7 sezoneve tek skuadra e Interit, sulmuesi argjentinas, Mauro Ikardi, u transferua tek francezët e PSG-s, skuadër ku nuk ka mundur të gjejë shumë hapësira dhe nuk ka arritur dot të jetë protagonist.

ikardi psg

Në ndjekje të tij janë vënë shumë ekipe, shumica prej të cilave janë skuadra të Serisë A, si Juventus, Roma, Napoli dhe Milan. Por ajo që buzëqesh në rast të një rikthimi të sulmuesit argjentinasit në Itali, është ish-skuadra e tij, Interi, e cila si duket në kontratën e nënshkruar me PSG-n, zikaltrit kanë vendosur një klauzolë prej 15 milion eurosh në rast të rikthimit të argjentinasit në Seria A.

Një lëvizje e zgjuar kjo nga Bepe Marota, ku Interi do të fitonte një shumë të majme parash në këto kohë të vështirë krizash financiare. Përveç ekipeve të Serisë A, për Ikardin kanë shfaqur interes dhe ekipe të Premier Ligës angleze, të cilat janë të gatshme të plotësojnë dëshirat ekonomike të parisienëve.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/