“Ibra gjithnjë ishte i mërzitur te Milani”, Alegri: Kur mora drejtimin e Juventusit, të gjithë menduan se jam i çmendur
Masimiliano Alegri mori drejtimin e Juventusit në verën e 2014-ës, në një kohë kur të gjithë mendonin se kjo skuadër po shkonte për poshtë, pasi ishte ngopur me fitore.
Tekniku italian rikthehet të flasë për atë kohë, teksa në një intervistë të dhënë së fundmi është shprehur: “Kur mbërrita në Torino pas Antonio Kontes, shumë menduan se isha i çmendur, pasi cikli fitues i Juventusit kishte përfunduar sepse skuadra ishte e ngopur. E vërtetë, situata nuk ishte e përsosur, gjeta një ekip që duhej rindërtuar. Ishte një sfidë emocionuese, por edhe e rrezikshme. Ka dy mënyra për të qenë një trajner i mirë, duhet të jesh autoritar dhe i hapu me lojtarët. Kështu që unë më shumë dëgjoj sesa flas.”, theksoi 52-vjeçari.
Alegri gjithashtu flet edhe për sjelljen e Ibrahimoviç gjatë kohës kur ishte pjesë e Milanit: “Ibrahimoviç ishte gjithnjë i mërzitur te Milani. Kjo sepse të tjerët nuk luanin si ai. Për dy vite unë i shpjegoja atij se të tjerët nuk mund të luanin si ai dhe Ibra duhej ta kuptonte këtë.”, përfundoi tekniku italian.
PANORAMASPORT.AL
NDIQE LIVE "PANORAMA TV"