I zhgënjyer që nuk e shitën dhe me rezultatet e skuadrës, klubi i njohur anglez në “pole position” për Muriqin
Klubi i njohur i Premier Ligës Leiçesteri ka parakaluar rivalët për të blerë sulmuesin e dalluar të Kosovës dhe Fenerbahçes Vedat Muriqi.
Sipas prestigjiozes angleze “Express”, tekniku i “dhelprave” Brendan Roxhers është shprehur i gatshëm ëpr të sjellë në Angli 25-vjeçarin.
Sezoni në rënie i Fenerbahçes dhe refuzimi i presidentit të klubit turk Ali Koç për të shitur në janar Muriqin e kanë shqetësuar shumë këtë të fundit dhe sipas gjasave, Fenerbahçe do të dorëzohet në fund të sezonit për shitur “bomberin” e kampionatit turk.
Gjatë pjesës së parë të sezonit shumë klube të mëdha të futbollit europian dhe anglez u interesuan për Muriqin, por presidenti Koç u mbylli derën.
Vlera e kartonit të sulmuesit të “Dardanëve” shkon në 33 milionë €. Deri tani, ai ka shënuar plot 14 gola në të gjitha kompeticionet me Fenerbahçen.
PANORAMASPORT.AL
NDIQE LIVE "PANORAMA TV"