Ish-mesfushori i Skënderbeut, Valmir Nafiu, dhuroi spektakël në ndeshjen e djeshme ndaj Totenhemit. Lojtari i Shkëndijës shënoi një gol spektakolar në pjesën e dytë.

“Do ta kujtoj gjithë jetën këtë supergol. Jam krenar që kam bërë të lumtur familjen”, ka thënë fillimisht Nafiu gjatë një prononcimi për “SuperSport” pas ndeshjes.

“Patëm edhe shans për ta bërë 1-2, por nuk e deshi fati. Pastaj përballë kishim Totenhemin dhe vetvetiu u mbrojtëm, por u ndëshkuam sërish. U ndjeva shumë mirë në fushë, edhe pse përballë kishim yje të nivelit botëror. Karriera ime dikur ka qenë në nivele më të larta, por u dëmtova dhe u desh të kthehesha sërish te Shkëndija”, deklaroi fantazisti.

PANORAMASPORT.AL

NDIQE LIVE "PANORAMA TV"

---