Elbasani po u jep dorën e fundit përgatitjeve për ndeshjen që luajnë nesër me Ilirinë. Verdheblutë i kanë mundur fushë-krujasit tri herë gjatë këtij kampionati, ndaj shpresojnë që edhe për herë të fundit këtë sezon të marrin një fitore.

Kjo do të përkthehej ndryshe edhe si një parakalim në tabelën e klasifikimit. Për këtë arsye, kjo sfidë është vlerësuar maksimalisht, për të mos i lënë asgjë rastësisë. Gjatë seancave stërvitore të kësaj jave, trajneri Shkëlqim Lleshanaku i ka kushtuar shumë rëndësi fazës ofensive dhe presingut në lojë. Ai u ka kërkuar të tijve një gol sa më të shpejtë, për të siguruar trepikëshin. Shpresat janë të varura tashmë te sulmi, duke parë edhe shpërthimin në javët e fundit.

VLADIMIR MEMA – PANORAMASPORT.AL

NDIQE LIVE "PANORAMA TV"

---