I dënuar me 5 vite burgim/ Nuk kanë fund telashet për futbollistin e Olimpiakosit, një 17-vjeçare e akuzon për përdhunim! Arrestohet sërish nga policia

Panorama Sport | Lajmet e fundit nga sporti

Postuar: Gusht 30, 2021 | 9:39

I dënuar me 5 vite burgim/ Nuk kanë fund telashet për futbollistin e Olimpiakosit, një 17-vjeçare e akuzon për përdhunim! Arrestohet sërish nga policia

Nuk kanë fund telashet për futbollistin portugez të Olimpiakosit, Ruben Semedo. Mediat greke bëjnë me dije së fundmi se mbrojtësi është arrestuar nga policia pasi akuzohet për përdhunimin e një 17-vjeçare.

Semedo

Futbollisti 27-vjeçar, pretendohet se është takuar me vajzën e mitur në një bar në Oropos. Teksa kanë pirë diçka, më pas pretendohet se kanë shkuar në shtëpinë e Semedos në Glyfada, ku 17-vjeçarja pretendon se e përdhunoi. Ajo e raportoi incidentin së bashku me nënën e saj.

Ndaj portugezit u lëshua menjëherë një urdhër arresti dhe më pas Semedo u arrestua teksa sot pritet të çohet në prokurori.

Semedo2

27-vjeçari ka një të shkuar të errët, teksa rezulton i dënuar me 5 vite burgim me kusht si dhe i është ndaluar hyrja në Spanjë për 8 vjet, korrikun e kaluar. Semedo u arrestua nga autoritetet spanjolle e më vonë u shpall fajtor për një mori veprash, përfshirë grabitje, sulm, rrëmbim dhe posedimin e një arme zjarri. Ai u arrestua në vitin 2018 ndërsa luante në Spanjë, pasi u akuzua për sulm dhe lidhjen e një burri në shtëpinë e tij, para se t’i vidhte pronën viktimës së bashku me dy të tjerë.

Futbollisti portugez gjithashtu u akuzua për tentativë vrasjeje, akuzë të cilën gjithmonë e ka mohuar, arriti të shpëtonte nga paraburgimi pasi pagoi një garanci prej 30 000 eurosh. Por Gjykata Provinciale e Valencias i dha atij një dënim me burg me kusht për pesë vjetësh dhe e ndaloi atë të hynte në Spanjë për tetë vjet në korrik 2020.

PANORAMASPORT.AL

NDIQE LIVE "PANORAMA TV"