Pas përfundimit të dy mbrëmjeve të Ligës së Kampionëve, ku nga kuqezinjtë ishte i angazhuar Kristjan Asllani dhe Armando Broja, ditën e sotme është radha e Ligës së Europës, ku në fushë do të zbresin edhe tri ekipe që kanë në përbërje lojtarë shqiptarë.

Elseid Hysaj shihet si titullar nga tekniku Mauricio Sarri, në transfertën që Lacio do të luajë përballë austriakëve të Sturm Grazit. Mbrojtësi luajti 27 minuta në kampionat në fitoren me Specian, ku arriti të japë edhe një asist, ndërsa sot me shumë mundësi do ta nisë nga minuta e parë.

Ndërkohë, një tjetër lojtar është Marash Kumbulla, i cili sapo është kthyer nga dëmtimi dhe akoma nuk është aktivizuar. Nuk dihet nëse Murinjo do t’i besojë mbrojtësit nga minuta e parë në përballjen Roma-Betis, që do të zhvillohet në “Olimpiko”.

Ndërsa një kavajas që luan në Ligën e Europës është edhe Regi Lushkja. Mesfushori që është pjesë e Sherif Tiraspolit, do të përballet me spanjollët e Real Sociedadit, një ndeshje tepër e vështirë. Pritet që Lushkja ta nisë nga stoli këtë takim.

SFIDAT:

18:45 Crvena Zvezda – Ferenshvarosh

18:45 HJK – Ludogorets

18:45 Malmo – Union Berlin

18:45 Monako – Trabzonspor

18:45 Omonia – Mançester Junajtid

18:45 Sherif Tiraspol – Real Sociedad

18:45 Sturm Grac – Lacio

18:45 Zyrih – PSV

21:00 Arsenal – Bodo/Glimt

21:00 Roma – Real Betis

21:00 Braga – Rojal Union

21:00 Fenerbahçe – AEK Larnaca

21:00 Midtjyland – Fejnord

21:00 Fraiburg – Nantes

21:00 Olimpiakos – Karabag

21:00 Ren – Dinamo Kiev

PANORAMASPORT.AL

---