Hysaj: Mendova se mund të shënoja, Insinje më mirë si shok skuadre

Panorama Sport | Lajmet e fundit nga sporti

Postuar: Tetor 9, 2017 | 23:27

Hysaj: Mendova se mund të shënoja, Insinje më mirë si shok skuadre

Elseid Hysaj ndjen keqardhje që loja shkoi në këtë mënyrë, pasi sipas tij, Shqipëria meritonte pikë ndaj Italisë. “Besoj se meritonim më shumë, kemi luajtur mirë për 90 minuta. Krijuam raste, por ky është futbolli.

hysaj

E pësuam në momentin tonë më të mirë. Kjo është keqardhja e vetme. Duhet të rrisim nivelin, po luajmë mirë, por prapë pësojmë gola dhe humbim. Insinje? Më mirë ta kem si shok skuadre se sa si kundërshtar. Këtë sezon është në një formë shumë të mirë”, – theksoi Hysaj për “Supersport”. I pyetur për rastin e humbur dhe pozicionin e Roshit.

“Rasti i humbur? Më erdhi në kokë të gjuaja, e pash Ahmedin, por mendova isha në pozicion më të mirë. Mendoja se mund të shënoja, nuk pasova dhe gjuajta. Roshi? Ishte zgjedhja e trajnerit që Roshi të rrinte më sipër, në mënyrë që të linte të lirë Spinacolën.”

NDIQE LIVE "PANORAMA TV"