“Hysaj i tregoi të gjithëve që meriton të shkojë te Milani”, Andi Lila: S’kisha biletë për ta parë ndeshjen në stadium, Manaj do shënojë tripletë ndaj San Marinos

Panorama Sport | Lajmet e fundit nga sporti

Postuar: Mars 28, 2021 | 23:00

“Hysaj i tregoi të gjithëve që meriton të shkojë te Milani”, Andi Lila: S’kisha biletë për ta parë ndeshjen në stadium, Manaj do shënojë tripletë ndaj San Marinos

Ish-mesfushori i Kombëtares, Andi Lila, është i ftuar në studion e emisionit “Sport News Plus” të moderatores, Daljana Sejdia, në “News 24”, ku foli me doza pozitive për Shqipërinë, pas humbjes me Anglinë, duke u shprehur:

bandicam 2021-03-28 22-14-40-071

“Nuk do të futem fare nga ana tekniko-taktike. Sot do them vetëm fjalë të mira, është nder i jetës sime. Ishte një ndeshje, ku lojtarët ishin në vitrinë dhe shikoheshin nga menaxherët. Është kënaqësi që këta futbollistë ti shikojmë në stadiumin tonë. Skuadra jonë tregoi një paraqitje shumë të mirë.

Detajet bënë diferencën, Kejn bëri diferencën me golin e shënuar, është shumë i rrezikshëm brenda zonës. Hysaj i tregoi të gjithëve që meriton të shkojë te Milani, Cikalleshi do të shkojë te Gallatasarai, Gjimshiti te Çelsi. Kjo ishte një ndeshje për t’u shijuar nga të gjithë shqiptarët. I them të gjithë çunave të Kombëtares, urime, dolën me kokën lartë, na nderuan.

Nëse do të shënonte Uzuni, do të flisnim ndryshe, do të flisnim për një rezultat shumë të mirë. Për mua ishte një ndeshje pozitive, rezultatin e le mënjanë. Kundër Polonisë dhe Hungarisë do të bëjmë diferencën. Vendi i dytë është i arritshëm, vendi i katërt dështim.

Kryministri Rama nuk na dha mundësinë që 30 % të ishim në stadium, nuk kisha mundësi, s’kisha biletë, e pashë me miqtë e mij.

Mund të zbuloj se Gjimshiti është në tratativa me një skuadër të një niveli të lartë në Angli. Rei Manaj do të shënojë tripletë ndaj San Marinos, është shumë i uritur”, u shpreh Andi Lila.

PANORAMASPORT.AL

NDIQE LIVE "PANORAMA TV"