Hysaj dëshiron largimin nga Napoli, por Gatuzo vë veton. Ja vendimi për mbrojtësin

Panorama Sport | Lajmet e fundit nga bota e sportit

Postuar: Qershor 25, 2020 | 9:41


Hysaj dëshiron largimin nga Napoli, por Gatuzo vë veton. Ja vendimi për mbrojtësin

Xhenaro Gatuzo ka rigjeneruar Napolin dhe duket se po e mban fjalën e dhënë në konferencën për shtyp të prezantimit të disa muajve më parë, kur deklaronte se ishte në atë klub për të gjetur zgjidhje dhe jo problem. Ndryshimet e 42- vjeçarit kanë prekur skuadrën në rezultate, por edhe individualitete.napoli hysaj

Njëri mes tyre është edhe Elseid Hysaj që prej një viti është në listën e profileve më të mundshme për t’u larguar nga klubi jugor. Mbrojtësit të Kombëtares i skadon kontrata në vitin 2021 dhe kjo verë dukej si ajo e duhura për të ndryshuar skuadër. Mundësitë e kësaj lëvizjeje reduktohen ditaditës, pasi, sipas të përditshmes italiane “La Gazzetta dello Sport”, është pikërisht trajneri Gatuzo që këmbëngul për qëndrimin e mbrojtësit të djathtë në skuadrën e tij.

Pak ditë më parë menaxheri i Hysajt deklaronte se lojtari do të largohej, por po i njëjti ka pranuar dje se Napoli po bën gjithçka për ta mbajtur kapitenin e Shqipërisë, duke qenë se është një futbollist polivalent dhe i përshtatshëm për të luajtur në dy korsitë e repartit mbrojtës.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com