Ndërprerja e kampionatit ka bërë që tekniku Mirsad Jonuz të ndryshojë sërish planin e përgatitjeve për ekipin e tij. Ai me sa duket do të shfrytëzojë sërish këto ditë për të përgatitur skuadrën për përballjen ndaj Luftëtarit.

Kjo ndërprerje mund të vlejë më shumë edhe për të shpresuar se siç ishte programuar me ekipin në këtë fundjavë, mund të bashkohet edhe një nga lojtarët më të rëndësishëm të skuadrës, mesfushori brazilian Hygor Gonzales.

Ky i fundit, prej dy javësh ndodhet në Brazil për t’iu gjendur pranë nënës se tij që ka probleme me zemrën, por mesfushori Hygor duket qartë se e ka mendjen te Vllaznia dhe Shqipëria. Ai vazhdon stërvitjen për të qenë në formë kur të kthehet në Shkodër.

Hygor, sakaq me anë të një postimi u është gjendur pranë të gjithë shqiptarëve që po kalojnë momente të vështira prej tërmetit që ka rënë këto ditë në Durrës.

PANORAMASPORT.AL

NDIQE LIVE "PANORAMA TV"

---