Humbja turpëruese me danezët e Miditlandit/ Nuk ndodhte prej 22 vitesh, Lacio arrin rekordin negativ në Europë

Panorama Sport | Lajmet e fundit nga sporti

Postuar: Shtator 16, 2022 | 12:38

Humbja turpëruese me danezët e Miditlandit/ Nuk ndodhte prej 22 vitesh, Lacio arrin rekordin negativ në Europë

Lacio ka pësuar një humbje turpëruese mbrëmjen e djeshme, në transfertën daneze, duke u mposhtur me rezultatin 5-1 ndaj Miditlandit, e vlefshme për ndeshjen e dytë të fazës së grupeve në Europa Ligë.

LACIO

Golin e vetëm të takimit për skuadrën kryeqytetase e shënoi Sergej Milinkoviç-Saviç në minutën e 57′.

Me këtë disfatë të rëndë, bardhekaltërit arrijnë një rekord negativ në Europë.

Sipas faqes së specializuar, “OPTA Paolo”, skuadra kryeqytetase ka pësuar 5 gola në një ndeshje të kompeticioni europian për herë të katërt në historinë e saj.

Nuk ndodhte prej 22 vitesh nga hera e fundit, ekzaktësisht më 5 prill 2000, kur Lacio humbiste ndaj Valencias në transfertë me rezultatin 5-2 në Champions.

Hera e dytë ishte ndaj spanjollëve të Tenerifes, më 29 tetor 1996 me rezultatin 5-3 në Kupën UEFA.

Ndërsa hera e parë ishte ndaj Lensit më 2 nëntor 1977 me rezultatin 6-0 në Kupën UEFA.


BRIAN KRISTO – PANORAMASPORT.AL