Humbja ndaj Dritës së Shpëtim Duro, Josa: Kundërshtari e kishte si ndeshje të fundit, ndërrimi i trajnerit…
Prishtina e Mirel Josës u mposht ditën e djeshme me rezultatin 1-0 nga Drita e Shpëtim Duros. Në prononcimin pas ndeshjes për “Supersport”, Josa tregoi se skuadra e tij e dominoi ndeshjen, por skuadrës i mungoi pasi i fundit. Tekniku kryeqytetas vlerësoi emërimin e Duros në krye të Dritës. Sipas Josës kjo ishte një plus për skuadrën kundërshtare.
“Dominohet ndeshja kur fitohet, je konkret. Ne ishim në pjesën e parë më konkrete dhe nuk lamë asnjëherë të goditej në portën tonë, duke mos u afruar asnjëherë. Në pjesën e dytë kishim topin në zotërim më shumë, por e humbëm topin majtas dhe na u shënua goli. Ishte i vetmi rast kur skuadra kundërshtare erdhi në portën tonë, kjo nuk është justifikim për mua.
Konkurrenca është ndryshe në Kosovë. Nuk është problemi vetëm te shënimi i golave që nuk vijnë, por edhe te pasimi i fundit. Duhet të kishim qenë më të kujdesshëm të pasonim për shokët.
Ndërrimi i trajnerit, është një plus për skuadrën kundërshtare, se të gjithë futbollistët ishin të mobilizuar maksimalisht për të dhënë maksimumin. Drita e kishte si ndeshje të fundit për luftën për të qenë ku i takon”, u shpreh Josa për “Supersport”.
NDIQE LIVE "PANORAMA TV"