Humbja e Partizanit ndaj Teutës, trajneri Daja merr masa kundrejt ekipit

Panorama Sport | Lajmet e fundit nga sporti

Postuar: Shtator 13, 2021 | 23:45


Humbja e Partizanit ndaj Teutës, trajneri Daja merr masa kundrejt ekipit

Partizani e nisi sezonin e ri në Superiore me humbje në “Elbasan Arena” kundër Teutës. Blutë e Edi Martinit triumfuan me rezultatin e ngushtë 1-0, falë një goli të sulmuesit Gjeorgiev.

PARTIZANI TEUTA

Kjo humbje ka bërë që stafi teknik i Partizanit të marrë masa. Nga dita e sotme, skuadra do të kryejë dy seanca stërvitore në ditë, një paradite e një pasdite.

Kujtojmë se Partizani ka zhvilluar dy faza përgatitore gjatë tre muajve të verës, fillimisht para ndeshjeve të Ligës së Konferencës në Ohër, e më pas në Pogradec, për një përudhë dyjavore, ku kryen edhe disa ndeshje miqësore.

Skuadra e kuqe nuk kishte justifikime për të mos qenë gati për sfidën e parë të sezonit, përveç afrimeve të reja, kështu që stafi ka vendosur të marrë masa dhe të shtojë dozat e stërvitjes, në mënyrë që kundër Skënderbeut të jenë sa më të gatshëm dhe të shmangin ndonjë humbje tjetër të mundshme.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/