Trajneri i Barcelonës Kike Setien e konsideron barazimin 1-1 me Napolin në Itali si rezultat të mirë për katalanasit për t’u kualifikuar në fazën çerekfinale të Ligës së Kampioneve.

Në konferencën për shtyp pas ndeshjes në “San Paolo”, Setien shtoi se Barcelona do të bëjë të pamundurën për të rikuperuar për takimin e kthimit Serxhi Roberton dhe mbrojtësin Xhordi Alba. Për sa i përket ndëshkimit me karton të kuq të futbollistit të tij Arturo Vidal, tekniku i skuadrës katalanase e konsideron veprimin e arbitrit si të nxituar.

“Barcelona pa Busketsin dhe Vidalin në ndeshjen e kthimit me Napolin – Humbëm dy lojtarë të rëndëisshëm, por do të rikuperojmë Xhordi Albën dhe Serxhi Roberton. I kemi marrë gjërat me optimizëm. Duhet të mendojmë pozitivisht dhe nuk mund të ankohemi përpara se ata të na lëndojnë.

Ndëshkimi i Vidalit me 2 kartona të verdhë – Nuk e pashë se çfarë ndodhi, ndoshta arbitri u tregua pak i ashpër. Këto situata ndodhin disa herë, kartoni i dytë i verdhë ishte i tepërt. Këto janë momente të lojës me nerva dhe tension për futbollistët me temperamentin e Vidalit. Humbëm një lojtar të rëndësishëm, por shohim për zgjidhje të tjera”, përfundoi fjalën e tij trajneri i Barcelonës Kike Setien.

PANORAMASPORT.AL

NDIQE LIVE "PANORAMA TV"

---