Vizita e parë e tifozëve të Tiranës në stadiumin “Loro Boriçi:” të Shkodrës, ku më shumë se një vit më parë e kthyen në luftë duelin me mbështetësit vendas, nuk ka kaluar as sot pa incidente.

Mbështetësit e Tiranës kanë hedhur fishekzjarrë gjatë ndeshjes, por edhe në përfundim të saj, ndërsa policia e Shkodrës nuk ka ngurruar të ndalojë disa prej tyre, për të parandaluar një përplasje të mundshme me ultrasit vendas të cilët ishin gati për përballje fizike.

Pas më shumë se 30 minutash tension, situata është qetësuar, por 10 mbështetës, 2 të Vllaznisë dhe 8 të Tiranës janë shoqëruar në Komisariatin e Shkodrës meqë kishin hedhur kapsolla, me akuzën e “prishjes së qetësisë publike”.

NDIQE LIVE "PANORAMA TV"

---