Nuk kishte ndodhur kurrë në histori që pesë skuadra angleze të ishin kualifikuar në Champions në 1/8-at. Por nuk kishte ndodhur as në historinë e një vendi tjetër, që të dërgonte kaq skuadra në fazën me eliminim direkt. Futbolli anglez duket sikur ka rilindur pas shumë viteve stanjacioni në Europë.

Për herë të parë që prej sezonit 2006-07, katër skuadra angleze janë renditur të parat në grupin e tyre. Nga 30 ndeshje në total, ato kanë humbur vetëm 3. Por sa shanse kanë Çelsi, Mançester Junajtid, Mançester Siti, Liverpuli dhe Totenhemi për të shkuar deri në fund.

Në 1/8- at, Junajtid mund të peshkojë Bajernin, Juven, Sevijen, Shahtjorin, Porton ose Realin; Siti: Bazelin, Bajernin, Juven, Sevijen, Porton, Realin; Çelsi: PSG-në, Barcelonën, Beshiktashin; Liverpuli: Bazelin, Bajernin, Juven, Shahtjorin, Porton, Realin; Totenhemi: Bazelin, Bajernin, Juventusin, Sevijen, Shahtjorin ose Porton. Dilemat do të marrin fund të hënën, në orën 12:00 kur skuadrat të mësojnë kundërshtarët e tyre të ardhshëm në Nion të Zvicrës.

NDIQE LIVE "PANORAMA TV"

---