Futbollistët kanë shumë vështirësi me gjuhën, teksa kjo shpesh herë ndikon edhe në performancat e tyre, për shkak se nuk kuptojnë udhëzimet e trajnerëve.

Megjithatë nuk ndodh kështu edhe me sulmuesin armen, Henrik Mikitarjan. 30-vjeçari kaloi në merkaton e verës te Roma, nga anglezët e Arsenalit, por ai nuk ka humbur kohë të mësojë gjuhën italiane. Armeni erdhi nga stoli në ndeshjen e fundjavës ndaj Veronës, ku shënoi edhe një gol.

Menjëherë pas përfundimit të ndeshjes, ai dha një intervistë dhe e veçanta është se ai foli në italisht. Sulmuesi tani zotëron plot tetë gjuhë, pasi di armenisht, frëngjisht, portugalisht, rusisht, ukrainisht, anglisht, gjermanisht dhe italisht. Mikitarjan mësoi rusisht nga gjyshja e tij, e cila kishte prejardhjen nga Rusia, ndërsa frëngjisht ka mësuar nga koha kur ishte fëmijë, që babi i tij luante për ASOA Valens. 

Kur ishte vetëm 13-vjeç, futbollisti mori vendimin e guximshëm të shkonte i vetëm në Brazil, për t’u stërvitur me Sao Paolon, dhe për 4 muaj aty mësoi portugalisht. Gjermanisht mësoi kur luante me Dortmundin, anglisht kur luante me Junajtid dhe Arsenalin dhe ukrainisht kur luante për Metalurh Donjetskun.

Ma @HenrikhMkh già parla italiano?? pic.twitter.com/jmcTb0jbRM

— AS Roma (@OfficialASRoma) December 2, 2019

PANORAMASPORT.AL

NDIQE LIVE "PANORAMA TV"

---