Postuar: Nëntor 10, 2018 | 19:42
Hamilton leksion Ferrarit, britaniku siguron “pole position” në Brazil
Luis Hamilton vazhdon të korrë suksese në Formula 1. Britaniku edhe pse e ka hipotekuar titullin kampion bote për këtë sezon përsëri nuk ndalet. Edhe në provat zyrtare të sonte të zhvilluara në Interlagos, ai arriti që të siguronte “pole position”.
Madje sot ai ka vendosur edhe një rekord në këtë pistë duke vendosur kohën 1’07’’281 dhe duke lënë kështu pas kundërshtarin e tij të Ferrarit, Sebastian Fetel. Ndërsa në vendin e tretë rendit piloti tjetër i Mercedesit, Valteri Botas. Kujtojmë se gara do të zhvillohet ditën e nesërme dhe do të jetë e parafundit për këtë sezon.
