Haller u diagnostikua me tumor malin, Borusia Dortmund zyrtarizon firmën me zëvendësuesin e tij

Panorama Sport | Lajmet e fundit nga sporti

Postuar: Gusht 8, 2022 | 20:26


Haller u diagnostikua me tumor malin, Borusia Dortmund zyrtarizon firmën me zëvendësuesin e tij

Borusia Dortmund nuk ka vonuar që të gjejë një zëvendësues për Sebastian Haller, i cili u diagnostikua me tumor malinj në javët e mëparshme. Klubi i Bundesligës bëri të ditur se ka siguruar firmën me një sulmues me shumë eksperiencë, “veteranin” Antoni Modeste.

modeste

Haller mendohej se do të zëvendësonte me golat e tij Haland i cili u largua drejt Mançeste Sitit. Por sulmuesi i afruar nga Ajaksi, gjatë fazës përgatitore u diagnostikua me tumor malinj dhe iu nënshtrua menjëherë terapive mjekësore. Kjo bëri që Borusia të niste kërkimin për një tjetër lojtar në repartin e avancuar, pasi nuk kishte shumë alternativa përpara.

Pas shumë negociatash, zgjedhja ra te Modeste, i cili ka provuar veten në Bundesligë me fanellën e Këlnit dhe është një 9 perfekte për skemat e skuadrës së Dortmundit. Futbollsiti 34-vjeçar ka firmosur deri në fund të këtij edicioni me Borusian, e cila shpreson që në pjesën e dytë të sezonit të marrë lajme pozitive nga Haller.

PANORAMASPORT.AL