Gjoka: Lushnja e rënë? E kam pësuar te Kukësi në një ndeshje si kjo!
Trajneri i Vllaznisë, Ernest Gjoka, doli sot në një konferenc për shtyp, ku foli për përballjen e ditës së nesërme ndaj Lushnjës. Tekniku kryeqytetas u bëri thirrje futbollistëve që ta vlerësojnë maksimalisht kundështarit, pavarsisht konditave ku ndodhet, pasi çdo nënvlerësim i mundshëm do të kushtojë rëndë.
Tekniku i shkodranëve mori si shembul rezultate e Vllaznisë sezonin e kaluar apo barazimin e Kukësit me Korabin, kur ai drejtonte skuadrën verilindore.
“Trepikëshi me Lushnjën është i njëjtë si me Skënderbeun, Kukësin apo çdo skuadër tjetër. Prandaj, Vllaznia jo vetëm që nuk e nënvlerëson aspak kundërshtarin e radhës, por duhet të japë maksimumin e saj për ta fituar këtë ndeshje. Asnjë nënvlerësim nuk ka në radhët tona për këtë ndeshje.
Vllaznia e ka pësuar vjet, duke nënvlerësuar një skuadër, që kishte rënë nga kategoria. Edhe unë, kur isha te Kukësi, e pësova nga një nënvlerësim i tillë. Duke ditur këtë situatë, e kemi vlerësuar maksimalisht ndeshjen me Lushnjën dhe ky trepikësh ka shumë vlerë për ne.
Fitorja ndaj Lushnjës vlen po aq sa ajo me Skënderbeun, Kukësin apo çdo skuadër tjetër të Superligës. Duhet patjetër që të vazhdojmë serinë e rezultateve pozitive dhe të paraqitjeve të mira që kemi bërë në fazën e tretë të kampionatit, sepse vetëm kështu do t‘ia dalim të arrijmë objektivin që kemi”, u shpreh Gjoka.
NDIQE LIVE "PANORAMA TV"