Berat Gjimshiti është kthyer në një titullar të padiskutueshëm te Atalanta, teksa vazhdon të shkëlqejë në Serinë A, por edhe në Ligën e Kampioneve.

Mbrojtësi shqiptar, pa frikë mund të quhet edhe si mbreti i ajrit. Këtë nuk e themi ne, por e thonë statistikat. “CIES” ka publikuar një raport të ri sa i përket 100 lojtarëve në 10 kampionatet më të forta të Europës, që kanë fituar duelet ajrore. Të dhënat i përkasin sezonit aktual dhe ati të kaluar.

Në krye qëndron mbrojtësi i Çelsit, Kurt Zuma, teksa menjëherë pas tij vjen Gjimshiti i cili ka arritur të fitojë 22 duel nga 23 përpjekje. Ajo që bie në sy, është se pas tij në renditje qëndrojnë emra të njohur si mbrojtësi i Realit, Rafael Varan, por edhe mbrojtësi më i shtrenjtë në histori, Herri Meguajër.

PANORAMASPORT.AL

NDIQE LIVE "PANORAMA TV"

---