Gjeti golin e parë me fanellën e Kombëtares, Qazim Laçi: E kam ëndërruar që fëmijë, ju tregoj bisedën me Rejën

Panorama Sport | Lajmet e fundit nga sporti

Postuar: Shtator 8, 2021 | 22:47

Gjeti golin e parë me fanellën e Kombëtares, Qazim Laçi: E kam ëndërruar që fëmijë, ju tregoj bisedën me Rejën

Qazim Laçi gjeti golin e parë me fanellën e Kombëtares, në triumfin 5-0 ndaj San Marinos, në prononcimin pas ndeshjes për mikrofonin e RTSH, mesfushori dibran ndër të tjera u shpreh:

bandicam 2021-09-08 22-41-44-752

EMOCIONET E GOLIT TË PARË ME KOMBËTAREN- Emocionet janë shumë të medhaja. Është kënaqësi e madhe të shënojë një gol me ekipin Kombëtar. E kam ëndërruar që fëmijë. Për ne ka më shumë rëndësi 3 pikëshi. Ishte ndeshje serioze nga fillimi në fund. E vazhduam aty ku e lamë.

Asgjë nuk e mendova, e godita topin, pashë portierin ku ishte dhe e provova. U turbullova pak gjatë festës, emocionet vijnë vetë.

Të gjithë lojtarët jemi të kënaqur me minutat që kemi. Nuk është gjë e lehtë për trajnerin. Kemi shumë minuta në këmbët tona, është e vështirë për trajnerin që të zgjedhë. Në kombëtare të gjithë lojtarët duhet të jenë gati gjithmonë që ekipi të ecë sa më lartë.

BISEDA ME REJËN- Nuk më tha ndonjë gjë speciale, më tha bravo për golin që shënove, bëri pak gallatë me mua, ishte i kënaqur me golin që shënova.

PANORAMASPORT.AL

NDIQE LIVE "PANORAMA TV"