“Kur kam ardhur gjeta një skuadër që nuk kishte as kokë dhe as bisht. Kemi bërë një punë të jashtëzakonshme”. Këto janë fjalët me të cilat Edi Reja i dha sot lamtumirën publikut shqiptar, pak minuta para se për mediat të fliste tekniku i ri i kuqezinjve, Silvinjo.

Një kritikë e hapur kjo e trajnerit 77-vjeçar për paraardhësin e tij, Kristian Panuçi, vendin e të cilit mori në drejtimin e kuqezinjve. Por sado që mund të duket e pabesueshme, Reja e lë Shqipërinë në një situatë më të keqe sesa kur e trashëgoi nga Panuçi.

Statistikat flasin qartë. Në prillin e vitit 2019, kur ai u emërua në pankinën e kuqezinjve, Shqipëria gjendej në vendin e 62-të në renditjen e FIFA-s, e 34-ta mes kombëtareve të UEFA-s.

Ndërsa sot, Shqipëria që i lë Reja trashëgim Silvinjos, është e 66-ta në renditjen e FIFA-s, po në vendin e 34-t mes përfaqësueseve europiane. Statistikat janë kokëforte dhe progresi i jashtëzakonshëm i këtyre viteve, sipas stafit që punoi me Kombëtaren, tregon në rastin më të mirë vetëm një vendnumëro në krahasim me eksperimentin e vlerësuar si të dështuar me Panuçin.

PANORAMASPORT.AL

NDIQE LIVE "PANORAMA TV"

---