Gjashtë humbje radhazi në shtëpi, drejtuesit e Liverpulit vendosin për të ardhmen e Klopit

Panorama Sport | Lajmet e fundit nga sporti

Postuar: Mars 8, 2021 | 23:49


Gjashtë humbje radhazi në shtëpi, drejtuesit e Liverpulit vendosin për të ardhmen e Klopit

Liverpuli është duke kaluar një moment shumë të vështirë, teksa humbja ndaj Fulhemit ditën e djeshme, ishte e gjashta radhazi në shtëpi, diçka që nuk kishte ndodhur kurrë në histori të klubit.

0_Jurgen-Klopp

Duke parë situatën e vështirë, me të cilën po përballet skuadra, në media, apo edhe rrjetet sociale, nuk kanë munguar as zërat për një largim të trajnerit Jyrgen Klop. Megjithatë trajneri gjerman nuk rrezikon shkarkimin, të paktën për pak kohë.

Drejtuesit e lartë të klubit anglez, kanë pasur një komunikim me vetë trajnerin, sipas “Times”, ku i kanë shprehur atij besim, të plotë në këtë moment të vështirë. Gjithsesi në rast se situata e skuadrës nuk shkon drejt përmirësimit, ku objektiv tashmë është kualifikimi në Ligën e Kampioneve, atëherë drejtuesit mund të marrin vendimin për shkarkimin e trajnerit.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/