Gjakoset Neziri, Noka e ka me arbitrat. Ja episodet e sfidës Besëlidhja-Kastrioti
Në një moment të ndeshjes së djeshme në Lezhë, mbrojtësi Neziri i Kastriotit është parë i shtrirë në fushë. Loja po zhvillohej në krahun tjetër të fushës dhe lojtari i krutanëve dukej se ishte goditur nga ndonjë send i fortë nga tifozët, pasi ishte i gjakosur në kokë.
Neziri ka marrë menjëherë ndihmën mjekësore dhe ka vazhduar lojën. Presidenti i Besëlidhjes, Gjok Noka, është shfaqur shumë nervoz pas përfundimit të pjesës së parë dhe gjithë atë nervozizëm e kishte me arbitrat e ndeshjes.
Ai ka tentuar madje t’u afrohet atyre, teksa po u drejtoheshin dhomave të arbitrave, por nuk është lejuar nga policia private e cila garanton sigurinë në stadium. Një situatë që është zgjidhur pa krijuar probleme.
PANORAMASPORT.AL
NDIQE LIVE "PANORAMA TV"