Gatuzo me dorë të “hekurt”, lë në tribunë 50 milionë euro për ndeshjen me Barcelonën
Napoli do të luajë sot në mbrëmje një ndeshje tepër të rëndësishme ndaj Barcelonës, për Ligën e Kampionëve.
Aq sa emocionuese është kjo ndeshje për napoletanët, që do të presin Mesin me shokë në “San Palo”, aq dhe delikate është. Gatuzo e ka pasur shumë të vështirë të përgatisë një përballje të tillë dhe zgjedhjet e tij kanë qenë tepër të studiuara, siç ai është shprehur.
“Corriere del Mezzogiorno” raporton se pika fillestare në forcimin e skuadrës, është ndërtimi i një grupi të fortë pa pasur frikë të lëre jashtë lojtarët që nuk japin maksimumin. Kjo gjë ka ndodhur edhe me Lozanon, që do e shohë ndeshjen me Barcelonën nga tribuna.
Meksikani u bashkua me Napolin këtë verë për 50 milionë euro, por ende nuk ka lënë shenjë te napoletanët, gjë që Gatuzo nuk e ka toleruar.
/PANORAMASPORT.AL/
NDIQE LIVE "PANORAMA TV"