Xhenaro Gatuzo ka dalë së fundmi në skenën e mediave të futbollit italian si pretendent për të marrë drejtimin e Fiorentinës ose Napolit.

Gazetari nga Roma Xhovani Skoto tregon se ish-tekniku dhe ish-kampioni legjenar i ‘’Djallit’’ dhe Italisë ka shprehur gadishmërinë për të drejtuar njërën prej dy ekipeve të kampionatit italian, të cilat duket se po shkojnë drejt mbylljes së bashkëpunimit me Karlo Ançelotin  me Napolin dhe Vinçenco Montelën e Fiorentinës. Sipas Skotos, refuzimi i emrit të Gatuzos nga njëra palë mund të kthehet në favor për krahun tjetër.

Gatuzo u largua nga pankina e 7-herë kampionëve të Europës në fund të sezonit 2018/2019 teksa dështoi të kualifikonte kuqezinjtë në Ligën e Kampioneve. Ai nuk pranoi të merrte asnjë kompensim nga klubi legjendar, pasi kontrata i skadonte në vitin 2021.

PANORAMASPORT.AL

NDIQE LIVE "PANORAMA TV"

---