Gabime foshnjarake në sfidën Bylis-Pogradeci, tifozët akuzojnë për baste
Bylisi ndalet sërish dhe i bën “dhurata” Pogradecit. Ballshiotët bëjnë një tjetër hap të gabuar. Por, takimi i djeshëm i ngjante më shumë një “teatri” të shpalosur nga të dy ekipet, sesa një ndeshje të vërtetë.
Një takim që ka prodhuar gjashtë gola, gabime foshnjarake dhe në fund një gol të çuditshëm të miqve, në një kohë që mbrojtja vendëse ishte shumë e hapur. Në gjashtë ndeshje deri tani, Bylisi ka fituar tri dhe ka barazuar po aq. Një rezultat që i shkon më shumë për shtat Tiranës. Ndërsa Bylisi duket i dorëzuar sa i përket luftës për vendin e parë.
Tifozët, akuza për baste
Tifo-grupi i Bylisit, “Bylinet” ka vendosur të bojkotojë skuadrën, në një kohë që akuzojnë për baste pas takimit të djeshëm. “Denoncojmë seriozisht, bazuar në fakte, se filluan dallaveret. Pak si herët. Më mirë të rivalizonim dhe të tentonim ngjitjen se sa t’i dorë- zoheshim basteve. Iu dorëzuan Dukës dhe duke i dhënë votën, po i çojnë ndeshjet të premteve që të jenë ‘live’.
Deri tani kemi siguruar 7 skedina të luajtura vetëm me gola se rezultati nuk ka rëndësi. Se këta jo vetëm që e luajnë, po hapen edhe b… duke shpërndarë bastet e luajtura. Shumë keq! Bojkotoni stadiumin, mos u bëni pjesë e këtyre veprimeve”, shkruhej në reagimin e djeshëm të tifo-grupit në “Facebook”.
NDIQE LIVE "PANORAMA TV"